Облачно со сончеви периоди. Така почна денот во Скопје. Метеоролозите за денеска најавуваат дека така и ќе продолжи во текот на целиот ден на скопското подрачје. Ќе дува умерен, повремено засилен северен ветер. Минималната температура ќе се спушти до 18, а максималната ќе достигне 30 степени.
Вакво време се очекува и на подрачјето на целата земја. Минималната температура ќе биде во интервал од 14 до 20, а максималната ќе достигне од 28 до 34 степени.
Во следните денови ќе се задржи стабилно и сончево време со мала до умерена локална облачност. До сабота ќе дува умерен до засилен северен ветер.
