Сончево време со мала да умерена облачност во претпладневните часови и мало освежување во попладневните часови најавуваат синоптичарите за денеска на скопското подрачје. Ќе има услови за локална и краткотрајна нестабилност со краткотраен пороен дожд и грмежи во попладневните часови. Максималните дневни температури ќе се искачуваат во интервалот од 30 до 37 степени.
Веќе од утре температурите ќе бидат пониски за три до пет степени и ќе се искачуваат во интервалот од 25 до 34 степени, додека поголеми услови за нестабилност со локална појава на пороен дожд и грмежи ќе има во петок.
