Министерството за внатрешни работи денеска објави детален список на оружјето и муниција кои биле пронајдени закопани во една нива во струшко. Во соопштението се наведува дека арсеналот бил пронајден во нива во близина на патниот правец помеѓу с.Калишта и с.Франгово-Струга.
-По оперативни сознанија пронајдени се 138 гранати за рачен фрлач на гранати, 41 метални сандаци со муниција со калибар 7,62 и 12,7 мм, 30 испукувачи РПГ, 130 полнења за гранати, 760 парчиња куршуми со калибар 20мм, се наведува во инфорамцијата.
Полицијата наведува дека се известени и Основното јавно обвинителство –Струга и Дирекцијата за заштита и спасување и се преземаат мерки и активности за расчистување на случајот. 
