Корона вирусот ја дрма Македонија. Државата со недели се соочува со троцифрени бројки на новозаразени од Ковид-19 во еден ден. Пројот на починати пациенти расте, достигна до бројката 302 лица кои ја изгубија битката со вирусот.
Бројот на активни случаи во Македонија е голем и изнесува 3.557, од кои дури 2.007 се од Скопје. Вкупната бројка на ковид-дијагностицирани во нашата земја од почетокот на епидемијата изнесува 6.334, а досега оздравеа 2475 лица.
На сето ова мора да се одговори со поголема сериозност од самите граѓани кои треба да ги почитуваат основните мерки, но соодветен и силен одговор со поголема будност и координација треба да пристигне и од надлежните државни институции. Зарем се ќе се остави на површноста, зарем главниот фокусот и понатаму ќе биде само кон зборите?Македонија е црн лидер во регионот во врска со корона кризата. 
Тоа се рефлектира и на економијата во земјата. Вчера, ЕУ објави список на 15 земји чии жители се сметаат за безбедни и ќе им биде дозволен влез во Унијата од денеска, а меѓу нив не е и Македонија.
