Вечерва со почеток во 19 часот во Младинскиот културен центар, се отвора првата самостојна изложба на Марија Ќурчиева насловена „Движење“.
Ќурчиева е млад уметник, родена е 2002 година и ученик на отсекот сликарство во средното уметничко училиште „Лазар Личеноски“. Покрај формалното образование член е на „Ателје 49“.
Учествувала на меѓународниот проект “Creative minds of the world” каде што во конкуренција на околу 2000 уметници од целиот свет била избрана во првите 200, кои ќе влезат во каталогот од проектот.
