Со две музички творби базирани на македонските народни песни „Со маки сум се родил јас“ и „Си заљубив едно моме“, денеска ќе биде претставено творештвото на композиторката Дарија Андовска во рамки на серијата концерти #BSOmondayConcerts, кои ги организира државната опера во Минхен.
Композициите се напишани по нарачка на минхенската опера и бас-баритонот Милан Силјанов, кому и композиторката Андовска ги посветила.
Десеттиот од серијата понеделнички концерти на Bayerische Staatsoper, кои се емитуваат со онлајн пренос во живо, е со наслов „Звуци од татковината“.
