За многу идни градења се изнаслушавме во кампањата. Се ветија убавини низ Скопје. Се покажуваа макети, филмувани илустрации… Но, некако не се зборуваше за одржување на постојното – на она што веќе е изградено. А многу поправки и доградби треба во главниот град.
Еве на пример, централниот плоштад „Македонија“. Само собирање на сметот и повремено чистење ќе биде единственото „средување“ на центарот на Скопје? 
Плоштадот е грда слика со скршени клупи, исушени дрвца, незавршени фасади, непоправени фонтани…. И за тоа никој не кажа ниту збор во кампањата. Единствено е разбирливо тоа да се прави само ако целта е плоштадот „Македонија“ да е слика и прилика за државата Македонија. Во државата порано многу се вложило труд, знаење и пари, ама сега тоа полека се растура од политичари кои нон – стоп ветуваат нови градби, успеси…
