Големиот празник на народното востание, 11 Октомври, денеска се одбележува ширум Македонија. Се посетуваат спомениците на хероите кои пред 80 – години почнаа македонска народно – ослободителната борба против фашистичкиот окупатор, се држат говори…
Со цел подиректно да се одбележи празникот градоначалникот на Кисела Вода, Филип Темелковски, оствари и средба со претставниците на Сојузот на Борците од НОБ во оваа општина. 
-Секогаш ми е драго кога се сретнувам со луѓе кои го негуваат духот на партизанскиот непокор почнат токму на овој ден пред осум децении. Секогаш им стојам на располагање и со радост им помогнам, а и Сојузот понатаму да делува, истакна градоначаликот Темелковски.
Поради досегашната дадена поддршка, Сојузот на Борци, му додели на градоначалникот – Благодарница.
Сепак, на сребата, пред се централна тема биле настаните и понатамошното ехо поврзани со Првиот прилепски партизански одред кој на 11 Октомври 1941 година го нападна полицискиот участок и телефонско-телеграфската мрежа во Прилеп со што започна борбата за слобода во Македонија.
