Во последните 24 часа, 29 лица починале како последица од ковид, а од направени 4.384 тестирања, регистрирани се 561 нов случај на ковид-19.
Од починатите, 13 лица од Скопје (88г, 76г, 70г, 70г, 69г, 68г, 67г, 66г, 56г, 54г, 53г, 40г, 2г), 3 починати лица од Куманово (84г, 69г и 39г), по 2 починати лица од Тетово (69г и 68г), Струмица (76г и 68г) и Охрид (88г и 67г), по едно починато лице од Гостивар (71г), Кичево (62г), Дебар (60г), Кратово (72г), Радовиш (67г), Крива Паланка (69г) и Ресен (72г).
Од пријавените 29 лица, 27 се починати во болнички услови, а 2 лица се починати во домашни услови. 
Меѓу починатите е и двегодишно дете за кое претходно информираше Министерството за здравство.
Се работи за дете со конгенитални малформации, со дијагнози на бактериска сепса кај новородено, хоспитализирано и оперирано во повеќе наврати на клиниките за детски болести, детска хирургија и неврохирургија. При последниот прием на клиниката за детска хирургија детето било прегладнето и дехидрирано, а мало и позитивен ковид-тест.
Од новите заразени, во Скопје се 249, Куманово – 49, Струмица – 40, Охрид – 30, Штип – 25, Тетово – 23, Прилеп – 18, Кавадарци – 16, Битола – 14, Велес – 12, Кичево – 10, Гостивар – 9, Радовиш – 8, Кочани – 7, Струга и Свети Николе – по 6, Ресен и Дебар – по 5, Гевгелија, Берово, Виница и Македонска Каменица – по 4, Неготино – 3, Крива Паланка, Делчево, Валандово и Кратово – по 2, Пробиштип и Богданци – по 1.
Регистрирани сe 507 оздравени пациенти.
Вкупната бројка на КОВИД-дијагностицирани лица во нашата земја од почетокот на епидемијата изнесува 186.010 бројката на оздравени пациенти е 166.606, на починати е 6.396, а бројот на активни случаи изнесува 13.008, од кои 5.798 во Скопје.
