Причина за вчерашниот пожар кај Беровското езеро најверојатно е човечки фактор, покажуваат првичните неофицијални информации. Според сознанијата, истрагата се врти околу информацијата дека еден турист активирал петарда во обид да убие змија.
Пожарот избивнал вчера околу 14:30 часот во близина на туристичкиот комплекс „Аурора“ крај Беровското Езеро. Сашко Руменовски, командирот на Територијалната противпожарна единица од Берово, изјави во огнената стихија е опожарена површина од околу пет декари. Пожарникарите интервенирале со две возила, една цистерна и возило „бремач“. Во гаснењето учествуваа четворица пожарникари на кои помош им пружија и вработени во комплексот, како и туристи.
