Првачињата кои за прв пат во училишните клупи ќе седнат во септември ќе се запишуваат електронски.
Преку порталот uslugi.gov.mk родителите/старателите ќе можат да пополнат апликација, да изберат училиште и да ги прикачат потребните скенирани документи. Откако апликацијата ќе биде прифатена, се одредува термин во кој ученикот ќе треба да дојде на разговор со педагогот во училиштето.
Откако тој административен процес ќе се заврши имаат само една посета во училиштето на средба со педагогот и проценка и понатамошно започнување на процесот на образование на еден ученик. 
За користење на алатката од страна на училиштата, предвидени се соодветни обуки кои започнуваат уште утре.
Денешната информација за дигитализирање на уписот на првачињата доаѓа во време кога МОН најави дека учениците од четврто до деветто одделение и во средните училишта ќе имаат дигитални книги, а ќе се печатат од училиштето само доколку некој нема услови за користење на електорнската верзија.
