Во полцииска акција која што се случила денеска кај Росоман запленето е големо количество марихуана, информира МВР. Во објавата на Фејсбук-страницата на МВР кусо се наведува дека поради ова се приведени две лица. Повеќе детали за акцијата се очекуваат за подоцна.
На објавената снимка од страна на МВР се гледа запленетото возило во чиј багажник имало две големи торби. Од нив, во депото на МВР, се извадени повеќе десетици помали пакувања на марихуана.
Според неофицијалните информации се работи за околу 200 килограми марихуана која била илегално пренсувана како дел на меѓународен канал за трговија со дрога.
