Германскиот трговски ланец „Лидл“ ќе го отвори својот прв супермаркет и во нашата земја, објави специјализираниот портал „Јуропеан супермаркет магазин“, со седиште во Даблин.
Според написот, германската компанија минатиот месец регистрирала своја подружница во земјава под името „Лидл Северна Македонија“, која ќе биде под надлежност на бугарскиот огранок на „Лидл“ и со неа ќе раководат Милена Драгијска, Бисер Инчовски и Љубомир Хрсев.
Предвидено е „Лидл“ на стартот да инвестира 500.000 евра во земјава.
