Црна Гора добива помош од Австрија во лекување на болни од Ковид-19. Имено, Австрија прифати уште еден тежок ковид-пациент од Црна Гора на лекување. Тоа е трет пациент од Црна Гора што е однесен на лекување во Австрија.
Пролетта првиот тешко болен Црногорец беше примен на одделот за интензивна нега во Клагенфурт, а за Божик вториот сериозно болен пациент беше примен на одделот за интензивна нега во Грац.
-Солидарноста е повеќе од убав збор за нас. Особено врз основа на нашето блиско партнерство со земјите од Западен Балкан, нашата помош се подразбира. Особено се заблагодарувам на клиниката во Винернојштат и покраината Долна Австрија што веднаш беа подготвени да помогнат во оваа ситуација, истакнал министерот за надворешни работи на Австрија, Александер Шаленберг. 
