Во периодот од 31 август до 30 септември нови 2.239 лица останале без работа поради корона кризата. Со тоа, од март годинава, откако почна пандемијата на опасниот вирус, во земјава без работа останале вкупно 14.818 лица.
-Во Агенцијата за вработување со состојба на 30.09.2020 година по основ на прилив од работен однос евидентирани се 14.819 невработени лица, за кои престанокот, односно одјавата од задолжително социјално осигурување е регистрирана во периодот после 11.03.2020 година, односно во период на кризата предизвикана од ковид 19, се вели во објавата од Агенцијата за вработување.
Бројот на отпуштањата особено се зголеми откако престанаа да важат мерките за помош на фирмите за плати на вработените. 
