По синоќешната победата на вардаровите ракометари над германскиот ракометен великан Флензбург, се огласи тренерот на РК Вардар, Стевче Алушовски, изразувајќи задоволство од прикажаното на неговите избраници.
-Ова е голема победа која ќе ни даде потстрек за понатаму. Честитки до момците на карактерот, кои и покрај паузата од еден месец покажаа завидно ниво. Добро бевме подготвени и добро ја имавме анализирана играта на противникот. Двата бода се големи и ни го отвораат патот кон осминафиналето. Пред нас е нов натпревар, против Порто. Посакувам уште еден добар меч, посочи Алушовски.
За потсетување: за „црвено-црните“ ова е прва победа по два одиграни натпревара во А-групата од Лигата на шампионите, додека Флензбург го забележа првиот пораз во четвртиот свој настап. 
