За викендот ќе се знае какви мерки и во која општина треба да воведат, изјави по денешната итна среба со Комисијата за заразни болести министерот за здравство Венко Филипче.
Во изјавата за телевизијата Сител тој рече дека во овој момент не се даваат препораки за некои порестриктивни мерки.
-И следните денови ќе следиме какви ќе бидат бројките на новодијагностицирани. Ова е навистина висока бројка во однос на претходните денови. Заклучивме дека денеска и утре треба да се направи увид за начинот на трансмисија на вирусот во секоја општина посебно. Ако нешто откриеме, да може да одлучиме какви мерки и каде би се вовеле – рече Филипче по завршувањето на средбата. 
Опции се дали ќе се намали работното време на угостителските објекти или да се намали бројот на маси ќе се знае по епидемиолошките прашалници. Не се исклучува ниту и затворање на градинки и училишта.
