Се почестата тема во целиот свет околу вакцината против корона вирусот денеска ја прокоментира и министерот за здравство Венко Филипче. Тој објасни дека се уште е далеку од тоа да одлучи која вакцина ќе се користи кај нас со оглед на тоа што како што рече според неговите сознанија, ниту една не е во фаза во која целосно се завршени клиничките студии.
Сепак тој нагласи дека се следи развојот на сите вакцини во светот.
– Имавме комуникација со рускиот амбасадор на кој му упативме дополнителни прашања за кои немавме увид. Одговори се уште не сме добиле. Во меѓувреме, го следиме и развојот на вакцините на близу 10 компании кои се во фази на клиничко истражување, објасни министерот.
