Уште помалку од десет дена останаа за заинтересираните да се пријават на Конкурсот за доделување на наградата „Антево перо“ за 2020 година. Сите кои планираат да ги испратат своите ракописи може тоа да го направат на email адресата antevopero@gmail.com заклучно со 25 август.
– Основната мисија на оваа награда е популаризација на поетскиот книжевен жанр, поттикнување на младите поети кои творат и се остваруваат на македонски јазик и афирмација и популаризација на нивните дела, се вели во соопштението од организаторите.
Тие велат се среќни што меѓу пристигнатите поетски ракописи има и неколку книги од млади автори, кои со оглед на годините освен за наградата „Антево перо“ имаат привилегија да бидат во конкуренција и за наградата „Антев часовник“, востановена лани за поети до 25 години. 
