Опожарени автомобили во Скопје. Имено, утрово во Аеродром, поточно во Ново Лисиче, на паркинг гореа автомобили. Ова можеше да се види на социјалните мрежи каде е споделено видео од немилиот настан.
Од МВР велат дека едно возило изгорело, а други две биле делумно опожарени.
-На булеварот АСНОМ, на паркинг констатирано е дека целосно е опожарено возило марка „Сеат алтеа“ со скопски регистарски таблици, сопственост на М.Ј. (35) од Скопје и делумно опожарени две возило марка „Фиат пунто“ сопственост на И.Н. (41) од Скопје и возило „Мерцедес“ со скопски регистарски таблици сопственост на К.С. (73) од Скопје, известуваат од полицијата. 
Пожарот бил изгаснат од Противпожарната бригада, повредени лица нема. Се работи на расчистување на случајот.
