Ветерот што вчера го разлади Скопје им дојде убаво на скопјани- но не на сите. Станарите од една скопска зграда што се најде на социјалните мрежи вриеја од нервоза оти ветерот им ја откорнал фасадата. А не беше ниту толку силен, ниту „бесен“.
Барем така се коментарите на социјалните мрежи:
-Ако од ваков ветер се откорна фасадата, ќе летне ли зградата од малку посилно дување?!
-Градителите се надминаа себе си, веќе изгледа не е мерило квалитетна градба туку кој колку помалку материјал ќе потроши а побрзо ќе изгради и ќе продаде станови, мизерија!
-Скопјани внимавајте каде и од кого купувате станови, може да летнеме како партал еден ден, исто како фасадава… се само дел од коментарите под објавената фотографија.
Кога паднала фасадата немало паркирани возила во близина па, за среќа, нема материјална штета ниту повредени. Инаку според информацијата на социјалните мрежи зградата била стара само 5 години. 
Скопје е еден од градовите кој најбрзо го промени својот лик последниве години, токму заради градежната инвазија, особено во Аеродром и Кисела Вода.
